İnci-inci Şiiri - Sevinc Arzulu

Ürəyində köz daşı,
Parıldayar söz qaşı.
Sevgimizin göz yaşı,
Inci-inci düzülər.

Neynək, belədir huyu,
Duzludur dərin quyu.
Bulaqların saf suyu,
Damcı-damcı süzülər.

Kömək olsun Yaradan,
Bezdi dərman-davadan.
Eh. əlləri səmadan,
Sancı-sancı üzülər.

Gül açmaz ki qovaqlar,
Yaşıllaşar budaqlar.
Qanı qaçmış dodaqlar,
Qamçı-qamçı büzülər.

Fərəhini adlasan,
Kədərindən çatlasan,
Dərd qutusun qatlasan,
Küncü-küncü əzilər.