İme Emorfesa Şiiri - Mustafa Hoşoğlu

İme Emorfesa

O prosopom en fenkos
Do nemam emorfesa
Emena an da ulep
Anemos ba ufisa.

Esi pola ekseris
Eğabas da fitrukas
Eğo sena upero
Stecis omon pabukas.

Do boyim en fitruka
Da maliyam ibrişin
Emena ane ğabas
Eğo diğose dimşim.

Da matam ine mavra
Eğabo mavro pedi
Omon emena koriz
Esena kaniş udi.

Eğo im emorfesa
Ubu ukser asakuy
O ilos entrebede
Son prosopom anda kruy

Apemena emorfo
Üçen epan son kozmos
İmera ime ilos
Div radi ime fenkos.

Do nemam en Cemile
Emorfesa ce kalo
Di manam enkalazo
Don Rebi parakalo.

Mena leğun morfiya
Omon kateno nero
Panda im sa korfiya
Ason urano tero.

Mustafa Hoşoğlu
02.03.2018