İçinde Şiiri - Ali Garazade

"Sorğu-sualda ikən mən təəhhüd et günahları",
İnsan simasını gizlər məsum şeytanın içində.

Hürməyindən usanmışam bu boşboğaz cəmaətin,
Susduqca susmuş idim zəvzək insanın içində.

Ömür qıldığına dair dəniz həp qürrələnərdi,
Cəsədlər aşikar oldu həmən ümmanın içində.

Heç bi' zaman bəzəməz ki bu cəhanı göyqurşağı,
Mən qarəni seçmiş idim milyon əlvanın içində.

Təbəddülat dəm olduqca hafizəmdən itib-batır,
Nəmənə bir aləm yatır napak səhbanın içində?!

Çabaladım ol qədər mən, bulmadım dərdimə dərman,
Əhli-bimarı ayıldan min növ dərmanın içində.

Dayanmışdı bu damlalar, dəryanın taqəti bitdi,
Yeni kövsər tapılarmı eyni səhranın içində?!