Bahar çiçəyindən xəzəlliyi var,
Gör necə al-əlvan gözəlliyi var.
Bakının qəribə özəlliyi var
Bu şəhər özünə hopdurub səni.
Şeytanı anında qovub daşlarıq,
Bulağın suyuyla boğaz yaşlarıq.
Səninlə birlikdə günə başlarq,
Bu səhər gözünə hopdurub səni.
Deyirsən keçmişə dönmək nə lazım,
Onsuz xəzan olub baharım, yazım.
Eh, elə alışır bəzən boğazım,
Bu qəhər közünə hopdurub səni.
Ruhuna qovuşub yaşıl çöl-çəmən,
Sevgidən don geyir nərgiz, yasəmən.
Çiçək tək boylanıb baxırsan həmən,
Bu kəhər izinə hopdurub səni.
Ruhun yollanışı uca göyədir,
Ruhsuz bədən bilmir yer nə, göy nədir.
Sevgiylə ayrılıq həmqafiyədir,
Bu bəhər sözünə hopdurub səni.
Kayıt Tarihi : 19.4.2025 16:42:00





© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!