Hicran zalım Şiiri - Sevinc Arzulu

Dəli könül yenə də qayğılanır,
Həqiqətin önündə sayğılanır.
Anlatdıqca özü də duyğulanır,
Xatirələr puçur-puçur tər tökmüş.

Bilirəm ki görüşümüz gümandır,
Sevdam təkcə məndən mədət umandır.
Görəmmirəm, sanki qara dumandır,
Xeyirxahlıq üzərinə şər çökmüş.

Mən susuram, gəlmir sözün dalısı,
Qan rəngdədir ayrılığın yalısı.
Şırımlandı vüsalın al xalısı,
Hicran zalım ilmələri nə sökmüş...