Heyf oçağlara Şiiri - Sevinc Arzulu

Bir göz qırpımında keçdi gəncliyim,
Heç olmadı rahatlığım,dincliyim.
Baha başa gəldi mənim kəcliyim,
Yolum düşməz bir də uca dağlara,
Heyf ötən günə,ötən çağlara.

Ərköyündüm,saymazdım heç bir kəsi,
Qəlbimdə sevilmək,sevmək həvəsi.
Duyulanda payızın ilk nəfəsi,
Qonaq gedərdim meyvəli bağlara,
Heyf ötən günə,ötən çağlara.

Nədən ömrü-günü puçdum,hədərdim,
Başdan ayağadək möhnət,kədərdim.
Gəncliyimdə olmaz idi bir dərdim,
Dəniz kimi həsrətindən çağlaram,
Heyf ötən günə,ötən çağlara.