Heyatım Şiiri - Sevinc Arzulu

Gəz çomərdin içində,
Igid, mərdin içində.
Bunca dərdin içində,
Axı necə boy atım.

Gəzə-gəzə geyirlər
Məzə-məzə deyirlər.
Təzə-təzə yeyirlər,
Sevməzlər ki boyatı.

Bahar gələr seliylə,
Araz axar liliylə.
Ayrılığın diliylə,
Çağrılıbdər bayatım.

Çiçək verəmmirəm ki,
Çələng hörəmmirəm ki.
Səni görəmmirəm ki,
Xəyalınla ha yatım.

Bağlanıbdır qapılar,
Ürək qəmdən çapılar.
Bəlkə səndə tapılar,
Itirilmiş həyatım.
27.06.2019