Heyatdın, ömrüm Şiiri - Sevinc Arzulu

Fələyin işini bura bilməzdin,
Başqa bir layihə qura bilməzdin.
Sən bizsiz dəqiqə dura bilməzdin,
Ayıl əbədilik.Ha yatdın ömrüm.

Daha yersiz olar giley-güzar da,
Səni həmdəm seçdi zalım azar da.
Indi sən yatırsan mərmər məzarda,
Bir zaman ən gözəl həyatdın, ömrüm.

Əl-ələ gəzərdik şehli çəməni,
Mənümçün dərərdin tər yasəməni.
Getdin.Gedişinlə sanki sən məni,
Qəflət yuxusundan oyatdın, ömrüm.

Sanırdım tay olmaz mənə dözümdə,
Eh.təkcə səndəndir söhbət-sözüm də.
Əhdinə sadiqdin.Mənim gözümdə,
Daha da böyüdün, boy atdın, ömrüm.

Yağardıq sevdanın yağışı kimi,
Bu fani dünyaya baxışı kimi.
Bəyaz geyinərdim qu quşu kimi,
Məni qaralara boyatdın, ömrüm.