Heyat oxusun Şiiri - Sevinc Arzulu

Mənə məktublarından,
Bircə dəstə bağladım.
Qəlbimin qübarından,
Həzin-həzin ağladım.

Oxuyummu başından,
Bu saralmış məktubu.
Sözləri göz yaşından
Qapqaralmış məktubu.

O dəli xatirəni,
Oyaddımmı yuxudan.
Unudamadım səni,
Budur məni qorxudan.

Üşüdüm bu ahəngdən,
Hər tərəf bəyaz qardır.
Üzərində al rəngdən,
Payız yarpağı vardır.

Məktubdan gələcəkdir,
Soyuq payız qoxusu.
Dərs ala biləcəkdir?
Verim, Həyat oxusun...