Heyat, ne qeribesen Şiiri - Sevinc Arzulu

Mən ki sənin dərd daşınam,
Qıymırsan qəmdən daşınam,
Unudulmaz yaddaşınam,
Rəhm etmirsən qəribə sən,
Həyat, sən nə qəribəsən.

Tuşlasam da göz səmtimi,
Unutnaram söz səmtimi.
Itirmişəm öz səmtimi,
Eh, bu mənəm-qərib əsən,
Həyat, sən nə qəribəsən.

Yüz il davam etməyirsən,
Muradına yetməyirsən.
Üç qərinə getməyirsən,
Bir ya iki qərinəsən.
Həyat, sən nə qəribəsən.