Heta Cane Me Hebe Şiiri - Mehmet Çobanoğlu

Keçê Rihan zû vere dilê me zare zare
Welatê me de şere koma me jî bêzare
Ev çi rewşe çi hale? xezewe me dibare
Dengê tankan, toptane malên me ber gulane

Keçê Nûrê zü were şerê guran-şêrane
Dijrabûna Kurdane, herderê welat Zîlan’e
Bêbextîya Rom’ê ye Ereb û Ecem’a ye
Em nakevin bin destan heta canê me hebe

Keçê Rewşan zû were ser gundê me dûmane
Agir berdan nav malan şewateke yemane
Daê-bavo negirîn hewldana Kurdan’e
Berxwedan hebûne, rûmet herdem jiyane

Keçê Bihar zû were iro me re xirabe
Dijmin bi top, gulane ev şereke girane
Bi newala Dêrsim’ê xwîn dikişe pir sor e
Hemû Heval jî pênin ew xwîna canê min e

Keçê Axîn zû were evder warê Kurdan e
Leşker hatin kom bi kom nehedûra gelane
Kizirandin goştê me welatê me şêlandin
Bawer nekin xwîn xwaran kara wan jî talane

Keçê Rûşen zû were ev têkoşîna me ye
Rizgarî bo me ferze azadî şoreşî ye
Gulên warê Botan’ê heval rabûn rêdane
Şerê gelên Kurdan’e îro roja mêrxasa ye

Keçê Hêvîn zû were îro dema mêra ye
Rizgarî jî me ferze, şoreşî azadî ye
Gulên warê Botan’ê heval rabûn çiyane
Doza gelê Kurdan’e nav de welatê me ye

17.07.2011
Yıldırım