Hesretini çekirim Şiiri - Sevinc Arzulu

Yenə mənə qəmli baxsa,eybi yox,
Bulaq kimi qəlbə axsa,eybi yox.
Yandırıban məni yaxsa,eybi yox,
Gözlərinin həsrətini çəkirəm.

Bu sevdanın yolunda neynəmədi,
Təkcə qara nuru gün eyləmədi.
Ürəyində qaldı,heç söyləmədi,
Sözlərinin həsrətini çəkirəm.

Sevən aşiq təkcə dərdi dost seçməz,
Qəm-bulaq suyundan doyunca içməz.
Bir də bizim qapımızdan yar keçməz,
Izlərinin həsrətini çəkirəm.