Hesretine dözemmirem Şiiri - Sevinc Arzulu

Solub yaşıl baxça-bağım,
Yoluna gül düzəmmirəm.
Bürünübdür çənə dağım,
Zirvəsində süzəmmirəm.

Açılmayır bağlı qapım,
Açarını hardan tapım.
Düyün düşüb tale sapım,
Açammıram.çözəmmirəm.

Sehrliymiş eşq dünyası,
Kimlər anlayıb duyası.
Eşq dünyası-qəm dəryası,
Əl-qol atıb üzəmmirəm.

Gənclik həyatın yazıdır,
Ədası,işvə-nazıdır.
El ağzı-çuval ağzıdır,
Qaytanını büzəmmirəm.

Sevinc,dosta ərk edəcəm,
Həqiqəti dərk edəcəm.
Bu dünyanı tərk edəcəm,
Həsrətinə dözəmmirəm.