Lixabê de bigire, hespê min bikişîne
Berqefa li ser şîne, dorhêlê wî meşîne
Û xwe jî gon kumete, bîjî lê honandîne
Keça min ez rêwî me, oxirke min bişîne
Dîsa li min kele kele, agirê wî min dixwaşîne
Welatê xerîbîyê, tim jane tim dêşine
Qet rûyê xwen tirşneke, tu bavê xwen rêwîke
Ezê rabim vir herim, negirî dilê min neêşîne
Hespê min bêzengû ye, hevsarê wî tuneye
Ezê rabim dûr herim, li bavê te guneye
Nîgareke xwen bîne û têxe paşila min
Ezê tim lê binhêrim bêjim dil zaneye
Bax û baxçe bêgul, gul jî bêbilbil nabin
Mirov bêdê û bêbav, bêkes û bêqem nabin
Kesê bêxwîşk, bêbira bi mîna darê bêfêk
Gava dil jî nexwaze, pirsgirêk jî helnabin
Keça minî canê min, kesek nehat mala min
Ez ketim hejarî yê nepizmam û neqemin
Agir xistin dilê min, rondik jî nav çavên min
Ez rêwîme ez diçim, bedewa min rinda min
26.09.2013
Stenbol
Kayıt Tarihi : 26.9.2013 22:00:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!