Hespê Kihêl Şiiri - Mehmet Hakan

Rihê min
Bajar bi bajar digere,
Kolan bi kolan
Mal bi mal...

Rihê min
Ji laşê min cuda bûye
Ez nizanim,
Ev çend sal e
Çend heyv e
Çend roj e....

Wekî hespekê kihêl
Direve ji laşê min
Û
Ji her tiştê...

Kedî nabe,
Her ku diçe hartir dibe
Direve direve û direve..
Hingî laşekî dibîne
Bi leztir direve...

Nizanim
Ji kîjan bêbextiyê xeyidiye,
Ji kîjan derewê
Ji kîjan laşên bêrih..

Sekin, li xwe heram kiriye...