Heqiqet aşiqi Şiiri - Sevinc Arzulu

Həqiqət aşiği deyirlər mənə,
Ancaq ki yalanın önündə lalam.
Acılı sözlərlə dəyirlər mənə,
Nə qədər dözümlü imişəm, balam.

Çəkdiyin ahların say-hesabı yox,
Nə olar, bir dəfə ürəkdən gülsən.
Xeyirxah əməlin bil, savabı çox,
Heyf vaxtsız solan, saralan gülsən.

Məni arzularım çəkib aparır,
O uzaq üfüqün bitdiyi yerə.
Qaranlıq üstümə çöküb aparır,
Işığın əbədi bitdiyi yerə...