Helebçeya Birîndar Şiiri - Xizan Şîlan

bombe û napalm barandin
wan balafiran
devê xwe yê bi xwîn
wek cinawiran
berdabûn laşên kurdan
jehra maran
ax lê eman ax lê eman
hawîrdor mij û dûman
agir pêkxistin
li gund û bajaran
şehîd ketin xwarê
stêrk bi hezaran
qêrîn û hawara dengê wan
dagirtin valahiya asîmanan
ax lê eman ax lê eman
hawîrdor mij û dûman
xwîn diherikî
ji keç û xort û mindalan
qîjeqîj û girîna bav û kalan
yeko yek can dikişîn
li ber dîwar û kolanan
ax lê eman ax lê eman
hawîrdor mij û dûman
mirovên mezlûm
li ber destê zaliman
hatin kuştin
giyana wan yên bêguneh
di kendalan de hîştin
tevî ala kesk û sor û zer
bi xwîna diherikî
hatin şuştin
ax lê eman ax lê eman
hawîrdor mij û dûman

1988
Stockholm