Helbest Şiiri - Zandar Amari

Bi şev û rojê dinalim
Hêstiran her vedimalim
Bê rewak û bê mecalim
Wekî payîz zer bûme ez

Bê rê'yû bê rêberim ez
Bê xwedî û bê nasim ez
Bê hêlîn û bê warim ez
Mirovekî pepukim ez

Ketim bextê qederê de
Hiştim nava keserê de
Wekî kaya bênderê de
Hûrik hûrik par bûme ez

Şev û rojê me xew nayê
Sûûd nayê li dinyayê
Serî binî ketim tayê
Nexweşekî mirî me ez

Dil tu wek Memê Alan î
Tu Ferhadê vî zemanî
Bi vê rewşê tu dizanî
Bi halê te weranim ez