Hece geder karvanım Şiiri - Sevinc Arzulu

Əldən sevincimi alar,
Qiymətli incimi alar.
Gündüzlər dincini alar,
Gecə gedər karvanın.

Uzanı qalıb yollarım,
Tozlanıbdır gül kollarım.
Bu əyri-üyrü yolları,
Necə gedər karvanın.

Iblisdir mələk donunda,
Görürəm qara fonunda.
Işıq yanmaz ki sonunda,
Becə gedər karvanın.
.
Dünya yaman əldən salıb,
Silahını gizlin çalıb.
Yaman xəyallara dalıb,
Öcə gedər karvanın.

Qum üstə canamaz sərib,
Namaz qılar neçə qərib.
Pisliklərə qalib gəlib,
Həcə gedər karvanın.