Heca kimisen Şiiri - Sevinc Arzulu

Deyirəm, həsrətlin kaş görə səni,
Güllərin içində cüt hörə səni.
Yığa da bilmirəm bir yerə səni,
Min yerə bölünmüş heca kimisən.

Sonadək gedərmi bu azar, illət,
Çoxmu itirəcək görən bu millət.
Çəkilməz olubdur qaranlıq, zülmət
Səhəri açılmaz gecə kimisən.

Damarda qaynayır qan, gedirəm mən,
Əriyir kədərdən can.Gedirəm mən.
Üzbəüz gəlsək də yan gedirəm mən,
Görürsən, sormuram necə kimisən