Hayat Senfonisi Şiiri - Tahire Meğrur

Dincliyimin qolları qırıldı,
Ümidimin gözləri yaşardı,
İnamım kor yolçu kimi
Əlləri uzalı qaldı.
Arzularım vay-şivən qopardı,
Nakam sevginin hönkürtüləri
Bayquşun nəğməsinə qoşuldu.
Pərən-pərən düşdü göz yaşlarım,düzüldü ömür yollarına
Hayladı, çağırdı kimsə gəlmədi karına.
Küsdü buludda gizlənən günəşdən.
Yol aldı dərd-sər ilə Zümrüdlər oylağına,
Daha param-parça oldu
Ömrün Küskün simfoniyası.
Bəstəsi yarımçıq,musiqiçi kar şeir söyləyən lal.
Bumu ömrün solan güllərinin ilk akkordları,
Yoxsa,notların fəryadı yetişmədi Tanrıya.
Üz döndərdi,döndü buludların yuvasına,
Oxumadı,oynamadı Həyat simfoniyasına.
Türkiyə Bolu.
04.06.2023.