Hatî Dîlber Şiiri - Zandar Amari

Tariyê ji çav hilînin
Çar alî tev bi xemlînin
Jor û jêr di kilîlî'nin
Ji ber hatina dîlberê.

Dil zuwa û fîraqî bûn
Ji mûhbetê îraqî bûn
Mijgûl ji hêstir saqî bûn
Ji ber işqa wê dîlberê.

Mirovên bi hiş dixwînin
Heq û rastiyê dibînin
Ji ber işqa heq dimînin
Li ber deriyê dîlberê.

Ji şîretê dil têr nabin
Dil û mejî tew sax nabin
Rast û heqîqet fêr nabin
Nebê peyam ji dîlberê.

Rehmet ji zatê ekbere
Li şevên tarî qemere
Rêberê cin û beşere
Qencî bi nûra dîlberê.