Halı üzgün, ağladım Şiiri - Sevinc Arzulu

Qəfildən xarı gördüm,
Elə bil marı gördüm.
Uzaqdan yarı gördüm,
Halı üzgün.Ağladım.

Baxçada qanqal əkmə,
Dibinəcə su tökmə.
Bu qədər əzab çəkmək,
Deyil düzgün.Ağladım.

Dağlarda çəni görməz,
Telimdə dəni görməz.
Qocalıb, məni görməz,
Gözlər süzgün. Ağladım.

Ah, necə özləyərdim,
Sinəmi közləyərdim.
Illərlə gözləyərdim,
Dözdün yüz gün.Ağladım.

Sormadın əhvalımı,
Tərs oxutdun valımı.
Qocaldım, gör halımı,
Yorğun, özgün.Ağladım.