Güneşlerem Şiiri - Sevinc Arzulu

Oxuyaram şən səsimlə,
Qaynar ,isti nəfəsimlə.
Eşqim, bircə təbəssümlə,
Dünyamızı gümüşlərəm.

Arzularım bax, sel kimi,
Unut kimi,sən sev kimi.
Göyə qaldırıb sevgimi,
Yeri-göyü günəşlərəm.

Hey axdıqca axır zaman,
Çin çıxır qəlbimə daman..
Qaça-qaça gəlləm, inan.
Gizli-aşkar görüşlərə.

Yaşadır məhəbbət məni,
Yox eyləyir çiskin-çəni.
Qoymaram ki həsrət səni,
Şirin, dadlı gülüşlərə.