Günahı nedir Şiiri - Sevinc Arzulu

Eh, sevə bilməz ki hər nadan,naşı,
Sevgidir hisslərin alisi,başı.
Sanki bir əsrdir sevginin yaşı,
Səni sevməyimin günahı nədir.

Pis gündə, çətində qoymaz ki darda,
Səni isidəcək boranda,qarda.
Bilməyir gizlənsin necə və harda
Görən bu sevginin pənahı nədir.

Andına sadiqdir dostum hər vədə,
Anlamaz qədrini onun hər gədə.
Əsl eşq daima yaşar zirvədə,
Dağları bürüyən çən ahı nədir.