Gün işığı Şiiri - Sevinc Arzulu

Göydə rahat yatmayır,
Dərdi qəmə satmayır.
Mənə dişi batmayır,
Kölgəmə gün şığıyır.

Yolumuz kəsişmir ki,
Çəkişib bərkişmir ki.
Bircə damcı düşmür ki,
Bölgəmə gün işığı.

Bir quruca bəy olar,
Haqqında yüz rəy olar.
Yeri uca göy olar,
Düşməz ki gün aşağı.

Qırma muncuq sapımı,
Eşitmə hap-gapımı.
Nədən döyür qapımı,
Gilavar gün aşırı.

Əlimdə qara ələm,
Hüzuruna tək gələm.
Çoxdur mənim hövsələm,
Səbrimi gün daşırır.