Gün doğur Şiiri - Sevinc Arzulu

Ağlayıram.Ürəyimin başı qan,
Yer üzünün torpağı qan, daşı qan.
Nədən mənim gözlərimin yaşı qan,
Nədən sənin gözlərində gün doğur.

Qış çıxmamış deyirlər ki yaz gəlir,
Əda gəlir, işvə gəlir,naz gəlir.
Dostum, baxma asta gəlir, az gəlir,
Kainatın nəfəsini ün boğur.

Səs eşitcək diksinərək karıxma,
Ötənlərçün ağlayaraq darıxma.
Xatirəni özbaşına buraxma,,
Sabahınla keçmişindən dün yoğur.