Gülü soldurar Şiiri - Sevinc Arzulu

Kölgəsində durduğumuz vələssə,
Hicran mənim görüşümə tələssə,
Bircə gün həsrətin küləyi əssə,
Vüsal baxçasında gülü soldurar.

Dilənçi dünyaya səfir gedərsən,
Işi yox avara,səfil gedərsən.
Günlərin birində qəfil gedərsən,
De, sənin yerini kimlər doldurar?

Danışıb görüşməkdeyil ki adət,
Üz-üzə gələrik bir gün nəhayət.
Sənin heç vecinə olmayan halət,
Mənim təzyiqimi birdən qaldırar.
13.06.2019