Gülqabı Şiiri - Sevinc Arzulu

Susub oturmusan şəhərə kimi,
Uzun bir yol getdin qəhərə kimi.
Deyən yatmamısan səhərə kimi,
Yanmış siqar ilə dolu külqabın.

Bulağın gözündən soyuq su içib,
Payız təkcə məni dost-həmdəm seçib.
Sonuncu görüşdən nə qədər keçib,
Solğun çiçəkləri qucub gülqabı.

Kaş vüsalın gözün həsrət oymasın,
Həsrət ilə davasından doymasın.
Tale səni çətinlikdə qoymasın,
Para ilə dolsun daim pulqabın.