Gulên Bêwext Şiiri - Mehmet Çobanoğlu

Dilê min şên nîne, dewran xweş nîne
Her roj bi her şevan, dil dinalîne
Gulpikên çiqilan bi tev weşîyan
Biwîçîne bilbil, kûr bikelîne

Dilo ber keseran, ji min xwêdane
Kozir e, sotin e, agir berdane
Dem sur û seqem e, berf û dûxane
Lo nalîna dil e, dil ber derdane

Bihezaran her roj, li min qîrên e
Dil û gurçikê min bi tev şewitîn
Goşt û kezeba min, can û dilê min
Mîna gulên bêwext, bi tev qemitîn

Ji min xem dikişe! Wek çem, robaran
Destê min bigire, dost wext ne wexte
Gonce bêçare bûn, bilbil dinalin
Ey dost, lo malava, felek bêbexte

Dost ji ber van xeman dil min nivî bû
Lo dilo wax dilo, dilê bêçeran
Ne gul û ne şitil, ne jî hêlîn man
Ew gulên ku şîn bûn, dan ber xençeran

Dilê parçebûyî, ev dilê min e
Xem ket nav dilê min, ji ber derdane
Biwîçîne bilbil û elem, elem
Bilbil derdê te jî tev serîdane

Mehmet Çobanoglu
28.13.2022
İstanbul