Gufrâna Geldim Şiiri - Urfalı Mehmed Şevket

Rûsiyeh bir âsıyım gufrâna geldim yâ Gafûr
Hân-ı lûtfundan bana ihsâna geldim yâ Gafûr.

Müjde-i “Lâ taknatû” verdi beşaret gönlüme
Rahmetin ümmid edib derbâna geldim yâ Gafûr.

Ey Hakîm-i “lem yezel” sensin muinü’l âcizîn
Âcizim dil-hastayım dermâna geldim yâ Gafûr.

Fikr edip ahvâlımı feyâd u efgan eylerim
Lûtf edip şad et beni efgâna geldim yâ Gafûr.

Afv kıl Rûz-i cezâda Şvket-i bî-çâreni
Dûzah-i hicranda ben sûzâna geldim yâ Gafûr.

Abes söz söyleme fikr-i dakîk et onda bir söyle
Öğütme hâtıra her ne gelirse âsyâb-âsâ.