Gözün aydın Şiiri - Sevinc Arzulu

Yerdən göyə hərb körpüsü salınsın,
Tezlik ilə torpaq geri alınsın.
Qarabağda zəfər marşı çalınsın,
Fərəh dolu şeir yazım yenə mən.
Deyəm-”Gozün aydın olsun,ay Vətən”.

Batmasın bir damla şəhid qanı da,
Onlardır vətənin şöhrət-şanı da.
Gözlərik həsrətlə gözəl anı da,
Qovuşaq o doğma yurda yenidən,
Deyəm-”Gozün aydın olsun,ay Vətən”.

Yox dünyada diyarımın bənzəri,
Üstümüzdə olsun Allah nəzəri.
Seyr eyləyək gur işıqlı Xəzəri,
Üstünü almasın daha duman,çən.
Deyəm-”Gozün aydın olsun,ay Vətən”.