Gözümden düşenleri Şiiri - Sevinc Arzulu

Bizi zaman qarğıyıb,
Vermir aman,qarğıyıb.
Tale yaman qarğıyıb
Gözümdən düşənləri.

Illər tez-tez adlayar,
Ötənləri yadlayar.
Tanrı bir gün odlayar,
Közümdən düşənləri.

Dərddən çıxa bildimi,
Dişin sıxa bildimi.
Fələk yığa bildimi
Dözümdən düşənləri.

Qəmi kəmənd etməyin,
Kədəri qənd etməyin.
Siz bircə bənd etməyin,
Sözümdən düşənləri.

Su töksən quyu dolmaz,
Cənnətin gülü solmaz.
Geri qayratmaq olmaz,
Özündən düşənləri.