Gözucu baxdım Şiiri - Sevinc Arzulu

Büründün ayrılıq kürkünə, gülüm,
“Yox”dedin olası mümkünə, gülüm.
Dünyanın bütün mal –mülkünə, gülüm,
Sənin yoxluğunda gözucu baxdım.

Gül ilə bülbülün ilk təmasından,
Məhəbbət oxunar nur simasından.
Qaranlıq gecənin yaz səmasında,
Tufandan qorxaraq közucu çaxdım.

Yenə bahar qızı yaşıl geyinər,
Qoca qış uzaqdan baxıb deyinər.
Vəslin ürəyinin dərinliyinə,
Deyəsən, əzizim, sözucu axdım.
16.10.2018