Gözü vardır Şiiri - Sevinc Arzulu

Gündüzlər toranlıq olmayacaq ki,
Abadan xaraba olmayacaq ki.
Həmişə qaranlıq olmayacaq ki.
Hər zülmət gecənin dan üzü vardır.

Şikara oxşama heç, ovlanarsan,
Yolundan çıxarsan,tez tovlanarsan
Mənə yaxın durma, alovlanarsan,
Qəlbimdə hicranın al közü vardır.

Bəlkə bəxtimizi aça şamanlar,
Atəşdə alışıb yana yamanlar.
Işlərim düz getmir axır zamanlar,
Deyəsən vəslimdə xar gözü vardır.