Gözü açılar Şiiri - Sevinc Arzulu

İncidir hər acı kəlməsi ilə,
Dərdimi danışıb gülməsi ilə.
Allahım, gecənin gəlməsi ilə,
Mənim qəhərimin közü açılar.

Xəbəri yox imiş şəcərəsindən,
Ölümün bu qədər əcələsindən.
İşıqlı dünyamın pəncərəsindən,
Doğma şəhərimin özü açılar.

Bir azca boşalt sən qara kəməndi,
Onsuz da bu dünya həmən-həməndi.
Baxır ki dörd yanı yaşıl çəməndi,
Bəyaz kəhərimin gözü açılar.