Gözleye bilmirim Şiiri - Sevinc Arzulu

Yad libası bəyənib də geymərəm,
Qızılgül kolunu yerə əymərəm.
Yağışa, çiskinə qiymət demərəm,
Yağdırram, bilirsən, baha dolunu.

Artıq xəyalımın qəbri qazılıb,
Üstünə illərin cəbri yazılıb.
Bu gün ümidimin səbri kəsilib,
Gözləyə bilməyir daha yolunu.

Zənn etmə sevdalın səni unudub,
Ya haqqı-salamı çox ucuz tutub.
Artıq qar adama dönmüsən.Tutub
Mağara sağını, kaha solunu.