Gözlerinde Şiiri - Sevinc Arzulu

Səninlə son dəfə görüşən zaman,
Nələri kəşf etdim, nələri.Aman.
Istilik axtardım, üşüdüm yaman,
Elə bil yağıbdır qar gözlərində.

Günəş nur əvəzi nəm saçır nədən,
Vüsalın al gülü kəm aşır nədən.
Fərəh yaxın gəlir, həm qaçır nədən
Deyəsən gizlənib xar gözlərində.

Qədimdən qədimdir sevginin yaşı,
Məni anlayamaz hər bədbəxt naşı.
Ayrılıq yükünü çiynində daşı,
Hicranın kədəri var gözlərində.

Qaranlıq səmada ildırım çaxır,
Yeri də, göyü də yandırıb yaxır.
Gülərdi əvvəllər, somsoyuq baxır,
Deyən məskən salıb mar gözlərində.

Həsrətdən əriyib gözümün yağı,
Seçə də bilmirəm qaranı-ağı.
Heyf, çox tez keçdi cavanlıq çağı,
Nələr oxuyardım yar, gözlərindən.
25.01.2015