Gözlerimin gördüyünü Şiiri - Sevinc Arzulu

Neçəsini söz əyibdir,
Neçəsini közəyibdir.
Necə gözəl bəzəyibdir,
Məhəbbətin hörüyünü.

Görüş yerin pusub keçir,
Bomboş görcək susub keçir.
Kim güclüdür, basıb keçir,
Həsrətinin körüyünü.

Dərd suyundan içir, Allah,
Qəm zəmisin biçir, Allah.
Necə asta keçir, Allah
Ayrılığın kömrüyünü.

Özgə oda yanacaqdır,
Məni düşmən sanacaqdır.
Asanlıqla danacaqdır,
Gözlərimin gördüyünü.