Gözleri giryan, necesen Şiiri - Sevinc A ...

Məcnuna bax,şükürlüsən,
Danışma hədyan, necəsən.
Derlər yaman fikirlisən,
Çəkirsən qəlyan, necəsən.

Hicran deyən kiriyibdir,
Evi artıq çürüyübdür.
Dörd tərəfi bürüyübdür,
Atəşi-büryan, necəsən.

Bu ayrlıq zəli olub,
Hicranın sağ əli olub.
Həsrətimdən dəli olub,
Gözləri giryan, necəsən.

Qara duman düzə çöküb,
Həqiqət göz yaşı töküb.
Xatirələr qoşun çəkib,
Edirlər tüğyan, necəsən.

Halım sənə əyan idi,
Dost-tanışa bəyan idi.
Nə vaxtsa mən bir yan idim,
Dünya da bir yan, necəsən?