Göz dikibdir Şiiri - Sevinc Arzulu

Yenə fikrə dalmısan sən, a dünya.
Qəmdən körpü salmısan sən, a dünya.
Gör nə günə qalmısan sən, a dünya,
Qartalın yerinə sar göz dikibdir.

Sökülübdür bu xalının ilməsi,
Qışa qaldı qarın qonaq gəlməsi.
Mənasızdır hər sözü, hər kəlməsi,
Bülbülün yerinə xar göz dikibdir.

Bağda gül əvəzi ot, qanqal əkər,
Dünyanı rəsmində baş-ayaq çəkər.
Elə ilk kəlmədən zəhərin tökər,
Insanın yerinə mar göz dikibdir.