Göyermez Şiiri - Sevinc Arzulu

Sevən qəlbi aldatmaq böyük günah,
Haqsızın cəzasın verəcək Allah.
Gah ağlayar, gah da çəkər min bir ah,
Qaralar könlümün başı , göyərməz.
Bu dünyanın qara daşı göyərməz.

Ovulmaz qəlb evim, gülüm, kəc deyil,
Sən sevə bilmədin məni, guc deyil.
Hər işi öyrənmək heç vaxt gec deyil,
Yayda ağac əkər naşı , göyərməz.
Bu dünyanın qara daşı göyərməz.

Unudub səsinin qəm ahəngini,
Həsrətlə gözlərəm hərdən zəngini.
Dəyişməz heç zaman doğma rəngini,
Üzüyümün yaşıl qaşı göyərməz.
Bu dünyanın qara daşı göyərməz.