Göy Qur?agı Şiiri - Tahire Meğrur

GÖY QURŞAĞI

Hamı azadlıq sevir,
hamı azadlıq axtarır
bu yer üzündə.
Rəngbərəngdir azadlıq
Insanların gözündə.

Ah zavallı insan,
zavallı insan!
Rəngbərəng əsgilərə
Diz çöküb öpdün
Azadlıq yerinə.

Rəngbərəng əsgilər asdın
Məhıə-məhlə bölünmüş
Dünyanın
Çəpər dirəklərinə
Ah,zavallı insan..
Ah azadlıq acları!

Rəngbərəng əsgilər-
Azadlıq kəfəni.
Çəpər dirəklər-
Azadlıq asılmış dar ağacları..

Ah, zavallı dünya!
Hamı azadlıq axtarır.
Hamı azadlıq axtarır,bilirəm
Hamı azadlıq sevir , bilirəm.
Ama mən göyqurşağını sevirəm..

T.Tahire Megrur