Göy damar Şiiri - Sevinc Arzulu

Bu dünyadan alamayıb kamını,
Onunçun da suçlu bilir hamını.
Fələk yaxşı qırlamayıb damını,
Narın yağan yağışdan da göy damar.

Nakam qəlbin xatirinə söz dəyər,
Soyuq könlün buz qatına köz dəyər.
Hey qorxurdun gül simana göz dəyər,
Ağ əlinin gözmuncuğu göy damar.

Hicran bağı bilsən necə bəhərli,
Ala gözüm ayrılıqdan qəhərli.
Indi mənim dörd bir yanım zəhərli,
Sağda ilan, solda ilan, göydə mar.