Govend e li Dilan e Şiiri - Mehmet Çoban ...

Bazinên zîv zendan de
Çentê sor jî milan e
Bişkokên sîngê vebûn
Navê wê jî Zîlan e

Min ew govendê de dît
Xwe ji nehat li ba min
Bi govend e, dîlan e
Ew roniya çavê min

Xwe gul e, xwe kulîlk e
Ew qîza Kurdistanê
Govend giran dizvire
Wek tekerê kotanê

Govend girtin xermanê
Dîlana bûk zava ye
Benda wê me vê danê
Zîlan xwîşka zava ye

Keçên me wek şêranin
Dozvanin û şervanin
Gerdenî ya Zîlan'ê
Tevda morî mircanin

Zîlana hat ket govendê
Porê lê gungulî ye
Sergovend ê de ew e
Dengê wê zengilî ye

Hey canê ez qurbanê
Wele te naxapînîm
Govend e ha govend e
Wele te dişopînim

Mehmet Çobanoglu
18.06.2024
Stenbol