Götürme sen Şiiri - Sevinc Arzulu

Ilğımı çay sanan gülüm,
Yad oduna yanan gülüm.
Sevgisini danan gülüm,
Vicdanını itirmə sən.

Şərik ol qəm çağlarıma,
Bax viranə bağlarıma.
Özün ilə dağlarıma,
Çiskinli çən gətirmə sən.

Səndin çiçək üzənim də,
Tellərimə düzənim də.
Mənim güllü düzənimdə,
Tikan,qanqal bitirmə sən.

Bilmirəm sənlə nə edim,
“Görüşməyək bir də”-dedim.
Əllərimi burax,gedim.
Lazım deyil,ötürmə sən.

Sevinc,qalxaq qala-qəsrə
Bir boylanaq ötən əsrə.
Qismətinə düşsə həsrət,
Çalış onu götürmə sən.