Görmüşüm bir gün Şiiri - Sevinc Arzulu

Ürəyim “pırr” edib sənə uçacaq,
Əllərim torpağı yaman qucacaq.
Ruhum fəzalarda qanad açacaq,
Səni gözlərimdə görmüşəm bu gün.

Dilimin söhbəti.hər sözü səndin,
Ocaqda atəşi, od-közü səndin.
Sevdalı qəlbimin,yar, özü səndin
Səni gözlərimdə görmüşəm bu gün.

Günəşi səmada sən əyləmisən,
Bir dön bax geriyə, gör neynəmisən.
Qəlbimdə yamanca yer eyləmisən,
Səni gözlərimdə görmüşəm bu gün.