Gizlenim Şiiri - Sevinc Arzulu

Fələk yenə keşikdədir,sayıqdır.
Arzularım tənha üzən qayıqdır.
Dərdin evi soyuqdan da soyuqdur,
Iki dərdin arasında gizlənim.

Bir-birinə qarışıbdır bəm,zilim.
Geri qayıt,göz yaşımı mən silim.
Üşüyürəm,yoxdu isti mənzilim,
Gözlərinin qarasında gizlənim.

Həsrət,mənə ağ güldən çələng toxu,
Hicran,az vur ürəyimə qəm oxun.
Hər yerində bəla əsir,qəm qoxur,
Bu dünyanın harasında gizlənim.