Gilyaza Min Şiiri - Mehmet Çobanoğlu

Devkena min jiyan î
Tu gul î tu şîlan î
Bi dilsoz pir xweşikî
Tu tim deşt û zozan î

Tu gilyaz û hinar î
Bo min xweş diyar î
Dilê te pir mezin e
Tu guz û tu çinar î

Gul, nêrgiz, adarok î
Binefş û gigizok î
Pir şêrîn û xweşik î
Sosik û perperok î

Evîna min canê min
Giyana min dilê min
Çav zeytûnê, delalê
Wan destên xwe bide min

Bilbila bax û gulan
Ava kanî û çeman
Ay dilê min canê min
Te hez dikim bê guman

02.06.2014
Stenbol