Gihîştina Dereng Şiiri - Zandar Amari

Tu hatî mîna sîya bayekî
Di berê êvareka renk çilmisî de
Li çavên te ewrekî tarî bi teq û req
Awirên te mîna fîşek
Li rûyê te borîneka bi xwezî û mezî

Ne tu peyivî ne jî ez
Digel ku serhatiyên bi bîrhatî pir hebûn
Tenê nêrînên li heyvê stirîn
Tenê germa destan axivîn

Her tişt bê deng bû
Kêzik û mêzik û ava di herikî
Di dewa roniya heyvê de
Tenê bayê felêkê navê me dinivîsî
Li ser rûpela gihîştina bi dereng

Belkî heval û hogirên te hebûn
Heta niha belku rewş û kêfa te li cî bûn
Belkî heya niha tu ne mayî bi tenê
Lê her tim ez bi xem bûm bi tenê bûm
Lewra ez bê te bûm